Бугун, турли ахборот агентликлари ва сайтларда Сурхон қўриқхонасида ёнғин давом этаётганлиги тўғрисида маълумотлар эълон қилинди.
Аввал хабар берганимиздек, Сурхон қўриқхонасида жорий йилнинг 23 июль куни соат 15:52 да ёнғин содир бўлаётганлиги тўғрисида Сурхондарё вилояти ФВБга хабар келиб тушган. Ёнғин-қутқарув экипажлари қутқарувчилари, тегишли ташкилотлар ходимлари томонидан ёнғин соат 22:25 да қуршаб олинган ҳамда 24-июль кунига ўтар кечаси соат 00:35 да ўчирилган.
ФВВнинг хабар беришича, айни вақтда ёнғин бартараф этилган ҳудуднинг айрим жойларида шох-шаббалар қолдиқларидан тутун чиқиши ҳолатлари кузатилмоқда. Ушбу ҳолат ёнғиннинг қайтадан рўй беришига олиб келмайди.
Мазкур ҳолат Фавқулодда вазиятлар вазирлиги ва тегишли ташкилот ходимлари томонидан тўлиқ назоратга олинган. Айни дамда ёнғиннинг қайтадан рўй беришини олдини олиш мақсадида юқорида айтилган ташкилотлар томонидан профилактик тадбирлар амалга оширилмоқда.
Пўлат Бобожонов лавозимидан озод этилди, Абдусалам Азизов янги лавозимга тайинланди
Самарқандда можарога сабаб бўлган бинони бузиш бошланди (видео)
Султон Али Раҳматов оламдан ўтди
