Ҳукумат БМТ тинчликпарвар кучларини Исроил билан чегарадош Голан тепалигида жойлашишига рози, деди Суриянинг янги маъмурияти раҳбари Аҳмад Ал-Шараъ Дамашқда Қатар делегацияси билан музокара чоғида.
– Вазият Исроил олдинга силжишидан аввалги ҳолатга қайтиши учун биз БМТ кучларини буфер зонада қабул қилишга тайёрмиз, – дея Ал-Жазира телеканали унинг сўзларидан иқтибос келтирган. – Исроил “Эрон кучлари бор” деган баҳона билан бу ҳудудга чуқур кириб келди. Дамашқ озод этилгандан кейин, энди бу сабаб йўқ.
