Суперлига. Водий дербисида дуранг, «Олимпик» «Қизилқум»ни минимал ҳисобда мағлуб этди

Суперлигада бугун 21-турдан ўрин олган икки учрашув бўлиб ўтди.

Куннинг дастлабки баҳсида «Нефтчи» Фарғонада «Навбаҳор»ни қабул қилди. Учрашув 2:2 ҳисобида якунланди.

Фарғоналиклардан Анвар Ғофуров (3-дақиқа) ва Санжар Қодирқулов (90-дақиқа) томонидан киритилган голларга наманганликлар Тома Табатадзе (80-дақиқа) ва Азим Аҳмедов (90+6-дақиқа) томонидан киритилган голлар билан жавоб қайтарди.

Куннинг иккинчи баҳсида «Олимпик» «Қизилқум» устидан минимал 1:0 ҳисобида ғалабага эришди.

Ўйин тақдирини Суннатилла Абдуллажонов (45+2-дақиқа) томонидан киритилган ягона гол ҳал қилди.