Сунъий интеллект соҳасидаги энг йирик компаниялар СИ ривожланиш суръатларини секинлаштириш ва у билан боғлиқ хавфларни камайтириш бўйича ҳамкорлик қилиш тўғрисида келишувга яқин турибди. Бу ҳақда OpenAI раҳбари Сэм Алтман маълум қилди. Унинг сўзларига кўра, сўнгги ҳафталарда СИ хавфсизлиги компания ичидаги муҳокамаларнинг асосий мавзуларидан бирига айланган.
Аввалроқ рақобатчи Anthropic компанияси раҳбари Дарио Амодеи ҳам соҳани янада эҳтиёткорлик билан ҳаракат қилишга чақирган эди. Унинг фикрича, СИ моделларининг имкониятлари жуда тез ривожланмоқда ва уларни такомиллаштириш суръатларини секинлаштириш зарур.
Алтман ҳам бу фикрга қўшилиб, компаниялар аввало хавфсизлик билан боғлиқ масалаларни ҳал қилиши, шунингдек, СИ саноати ва ҳукуматлар ўртасидаги ҳамкорлик қоидаларини белгилаб олиши кераклигини таъкидлади.
Шу фонда OpenAI акцияларини биржада оммавий жойлаштириш (IPO) режасини кечиктиришга қарор қилди. Алтман компания 2026 йилда IPO ўтказмаслигини аниқ маълум қилди. Унинг таъкидлашича, ҳозирги вақтда СИ хавфсизлиги борасидаги хавотирлар юқори бўлгани сабабли IPO учун мос вақт эмас.
Аввалроқ хабарларда OpenAI’нинг эҳтимолий IPO’си компанияни тахминан 1 триллион доллар қийматида баҳолаши мумкинлиги айтилган эди.
Бироқ Anthropic ҳозирча ўз режаларини ўзгартирмаяпти. СИ хавфсизлиги бўйича худди шундай хавотирлар мавжуд бўлишига қарамай, компания IPO’га тайёргарликни октябрь ойининг ўрталаридан олдин бошламаслик ва акцияларни АҚШ Конгрессига бўлиб ўтадиган ноябрь ойидаги сайловларгача биржада жойлаштириш ниятида.
Японияда уйқу мусобақаси бўлиб ўтади, унда ғолиб катта пул мукофотига сазовор бўлади
Сунъий интеллект қачон "қайтиб бўлмайдиган нуқтага" етиши мумкинлиги маълум бўлди
Буқа 300 минг долларга сотилди
