Storm Shadow қанотли ракетасини ишлаб чиқарувчи Европанинг MBDA мудофаа компанияси 2025 йилда ишлаб чиқариш ҳажмини 2023 йилга нисбатан икки баравар оширишни режалаштирмоқда. Бу ҳақда компания бош директори Эрик Беранже Financial Times (FT) газетасига берган интервьюсида маълум қилди.
"Биз ишлаб чиқаришни кўпайтириш билан боғлиқ вазифаларни ҳал қилиш учун, таъбир жоиз бўлса, анча саноатлашган бўлишимиз керак" - деди Беранже. Унинг сўзларига кўра, компания ҳарбийлар, хусусан, Aster зенит-ракеталарини етказиб беришни тезлаштиришни талаб қилаётган Франция армияси томонидан "кучли босим" остида. Гуруҳ аллақачон ишлаб чиқариш линиясини янгилаш, жумладан, қўшимча роботлаштирилган машиналарни ўрнатиш ва иш сменалари сонини ошириш учун ўнлаб миллион эвро сармоя киритган.
FTнинг қайд этишича, илгари уч йилдан ошиб кетган Aster ракеталарини ишлаб чиқариш даври иккига қисқартирилган. MBDA ишлаб чиқаришни тезлаштириш ва танқисликни олдини олиш учун асосий компонентлар устидан назоратни кенгайтириш, шу жумладан пудратчиларни қабул қилиш ва вертикал интеграция орқали кўриб чиқмоқда. Бироқ, ишлаб чиқариш архитектурасини ўзгартириш кўп миллатли концерн ичидаги миллий таъсирни заифлаштириши мумкинлигидан қўрқиб, режа Франция, Британия ва Италиянинг эътирозларига дуч келди.
MBDA – Airbus (Франция), BAE Systems (Буюк Британия) ва Leonardo (Италия) ўртасидаги қўшма корхона. Компания томонидан ишлаб чиқарилган "Storm Shadow" ракеталари Украинага етказиб берилади.
Қозоғистон Россия билан урушга тайёргарлик кўрмоқдами ёки бу шунчаки ички чорами?
Москва марказида кетма-кет портлашлар юз берди
"Эл-Класико" олдидан "Барселона" мухлислари учун хушхабар бор
