2024 йилда Санкт-Петербург халқаро иқтисодий форуми тадбирларида 139 давлатдан 21 мингдан ортиқ киши иштирок этди. Бу ҳақда Россия Федерацияси Президенти маслаҳатчиси, Форум ташкилий қўмитаси ижрочи котиби Антон Кобяков форум якунлари бўйича ўтказилган брифингда маълум қилди.
СПИEФ тўрт кун давом этди. Ташкилий қўмита маълумотларига кўра, шу вақт ичида форумда умумий қиймати 6 триллион 430 миллиард рублга тенг 980 дан ортиқ шартномалар тузилди.
Кобяковнинг аниқлик киритишича, гап тижорат сири бўлмаган шартномалар ҳақида кетмоқда.
СПИEФ натижасида 59 давлат Россия ва унинг ҳамкорлари томонидан яратилган БРИКС, ШҲТ ва ЕОИИга қўшилиш ниятини эълон қилди. Бу давлатлар «янги форматларда амалий ҳамкорликни йўлга қўйиш истагини билдирди», — дея қўшимча қилди Кобяков.
Эслатиб ўтамиз, СПИEФ 2023 якунлари бўйича умумий қиймати 3 триллион 860 миллиард рублга тенг 900 та битим имзоланган эди.