7 май оқшомида Сикстин капелласида йиғилган кардиналлар Рим-католик черкови раҳбарлиги лавозимига номзодлар бўйича илк овоз бериш босқичини ўтказдилар.
Бироз вақт ўтиб, капелла мўрисидан қора тутун кўтарилди, бу эса понтифик ҳали танланмаганини англатади.
Конклавда (папани сайлаш жараёнида) бутун дунёдан 133 нафар кардинал иштирок этмоқда.Рим папасини сайлаш учун учдан икки қисм овоз, яъни камида 89 нафар кардиналнинг розилиги керак бўлади.
Ватикан маъмуриятининг хабар беришича, кейинги овоз бериш пайшанба тонгига режалаштирилган. Ҳар куни тўрт мартагача овоз бериш босқичлари ўтказилиши мумкин.
Сикстин капелласи мўрисидан чиққан оқ тутун ва қўнғироқлар жаранглаши янги Рим папаси сайланганини билдиради.
Янги понтифик одатда сайлангандан сўнг бир соат ичида Авлиё Пётр майдонига қараган балконда кўриниш беради. Майдонда аллақачон минглаб диндорлар йиғилган бўлиб, улар янги папанинг чиқишини кутишмоқда.
Қодировнинг аҳволи жуда оғир: у ворис қидирмоқда
Ортиқхўжаев янги лавозимда иш бошлагани айтилмоқда
Франция Россия Ғалаба байрамига таклиф қилинмаганидан ғазабланди
