Сирдарё вилоятида сифатсиз нефть маҳсулотларини сотувга чиқарган АЁҚШга нисбатан чора кўрилди

Ўзэнергоинспекциянинг Сирдарё вилояти ҳудудий бошқармаси томонидан ўтказилган назорат тадбирлари давомида “G.O.T.” МЧЖга қарашли автомобилларга ёқилғи қуйиш шохобчасида (АЁҚШ) АИ-80 маркали автобензиндан намуналар олиниб, лаборатория таҳлилига юборилди.

Таҳлил натижасига кўра, мазкур ёқилғи маҳсулоти давлат стандартлари талабларига жавоб бермаслиги — яъни сифатсиз экани аниқланди.

Мазкур қонунбузарлик ҳолати юзасидан Ўзбекистон Республикасининг 940-сонли Қонунининг 43-моддасига мувофиқ, реализация қилинган нефть маҳсулоти қийматининг 50 фоизи миқдорида — 18,7 миллион сўм жарима қўлланилди.

1️⃣ Шу билан бирга, сифатсиз маҳсулотларнинг қолган қисмини сотувга чиқармаслик ҳамда уларнинг сифатини тиклаш чораларини кўриш бўйича расмий кўрсатма берилди.