Швейцария Россияга қарши санкцияларни кенгайтирганини эълон қилди. Бу ҳақда Швейцария Иқтисодиёт, таълим ва тадқиқотлар федерал департаменти (EAER) маълум қилди, деб ёзади «Репорт» «Коммерсант»га таяниб.
Маълум қилинишича, 69 нафар жисмоний ва 47 нафар юридик шахсга нисбатан жазо чоралари қўшилган. Янги санкциялар 9 июлдан кучга киради.
Шунингдек, Прагада жойлашган «РИА Новости» агентлиги, «Известия» газетаси, «Российская газета» ва «Европа овози» порталининг ташвиқоти ҳам тақиқланган.
Маълум қилинишича, Европа Иттифоқидаги воқеалардан фарқли ўлароқ, Швейцарияда ушбу оммавий ахборот воситаларининг трансляцияси тақиқланмайди.