Озарбайжоннинг Қорабоғ вилоятидаги Шуша шаҳри 2024-йил учун ислом оламининг маданий пойтахти деб эълон қилинди. Бу ҳақда Қатар пойтахти Доҳа шаҳрида бўлиб ўтган Ислом олами маданият вазирларининг 12-конференсиясида маълум қилинди.
Қарор бир овоздан қабул қилинди. Шуша шаҳри Озарбайжон тарихий, маданий, ижтимоий-сиёсий ҳаётининг муҳим марказларидан бирига, жумладан, ислом сивилизацияси рамзига айланди.
2022-йил Озарбайжонда Шуша йили деб эълон қилинганди. Шуша маданий ҳаётини жонлантиришни қўллаб-қувватлаш мақсадида мусиқа байрамлари, шеърият кунлари, кўплаб маҳаллий ва халқаро маданий тадбирлар ўтказилганди. Халқаро Туркий маданият ташкилоти (ТУРКСОЙ) Шуша шаҳрини 2023-йил учун туркий дунёнинг маданий пойтахти деб эълон қилди. Кейин тадбирда Шуша ҳақида видеоролик намойиш этилди.
2020-йил 8-ноябр куни Озарбайжон Президенти Илҳом Алиев Шуша шаҳри арман босқинидан озод қилинганини эълон қилди. Шаҳар марказида Озарбайжоннинг уч рангли байроғи кўтарилди.
Маълумот учун, Шуша 1992-йил 8-майда Арманистон қуролли кучлари томонидан босиб олинган.
Қодировнинг аҳволи жуда оғир: у ворис қидирмоқда
Агар Украина 9 май куни Москвага ҳужум қилса, Россия Киевга “Орешник” қуроли билан зарба бериши мумкин
Шаҳбоз Шариф Покистоннинг ғалабасини эълон қилди
