Шри-Ланканинг Пансиягама ҳудудида жойлашган На Уяна монастирига мансуб етти буддавий роҳиб телеферик ҳалокати оқибатида вафот этди. Ҳодиса 24 сентябрь куни маҳаллий вақт билан соат 21:00 атрофида содир бўлган.
Daily Mirror нашри ёзишича, ҳалок бўлганлар орасида Россия, Руминия ва Ҳиндистон фуқаролари ҳам бор. Жасадлар Гокарелла ва Курунегала шифохоналарига етказилган.
Маълумотларга кўра, ҳалокат пайтида 13 роҳиб муқаддас жойда диний маросимларни бажариб, монастирга қайтиб келаётган бўлган. Икки роҳиб вагондан сакраб тушиб енгил жароҳат олган, яна тўрт киши оғир ҳолатда касалхонага етказилган.
Расмийлар дастлабки маълумотларга асосланиб, фожеага телеферикни тортиб турувчи кабелнинг узилиши сабаб бўлганини билдирди. Ҳодиса юзасидан Пансиягама полицияси терговни давом эттирмоқда.
Хитойдан қарздор давлатлар рўйхати тузилди
Россияда “ОМОН”чилар нега Аҳмадалиевнинг концертига бостириб киргани маълум бўлди
Хитойда ишлаб чиқарилган уч маҳсулотнинг Ўзбекистонга импортига тақиқ қўйилди
