Шомуродов феврал ойида "Рома"нинг энг яхши футболчиси бўлди

Бу ҳақда клубнинг ижтимоий тармоқлардаги саҳифаларида расман эълон қилинган овоз беришдан сўнг маълум бўлди.

Шомуродов учун мухлисларнинг 40% овоз берган. Иккинчи ўринда Пауло Дибала (29%). Шомуродов февралда бешта ўйинида майдонга тушиб битта гол урди ва иккита голли узатмани амалга оширди.

Айтиш жоизки Европада тўп сураётган иккинчи ўзбек футболчиси Абдуқодир Хусанов ҳам “Манчестер Сити”да февралнинг энг яхши уч футболчиси рўйхатига киритилди. Овоз бериш натижалари расман эълон қилинмади.