Германия канслери Олаф Шольц Баварияда бўлиб ўтган “Катта еттилик” саммити якунида Ғарбнинг Россияга нисбатан санкциялар ва бошқа чекловлар кўринишидаги босими фақат кучайишини ва Путиннинг бу вазиятдан чиқишнинг ягона йўли унинг Украинадаги режалари муваффақиятсизлигини тан олишини айтди.
Шольц ҳар бир давлат қўшниларининг ҳужумлари таҳдидига дуч келмай, ўз тараққиёт йўлини танлаш ҳуқуқига эга эканлигини таъкидлади.
Канцлернинг айтишича, кеча Кременчукдаги савдо марказига қилинган ракета ҳужуми Путиннинг Украина аҳолисига нисбатан шафқатсизлигининг яна бир далилидир.
Саммит давомида G7 давлатлари Россия учун яна бир қанча оғриқли қадамлар, жумладан, рус олтинини сотиб олишга эмбарго қўйиш бўйича келишиб олдилар.
