Оммавий ҳаво ҳужуми: F-16 учувчиси ҳалок бўлди

🕛 29 июнга ўтар тун Россия Украинага 477 та дрон ва 60 та ракета билан ҳужум қилди. Украина Ҳаво кучлари маълум қилишича, 211 та дрон ва 33 та Х-101 қанотли ракета уриб туширилган. 225 та дрон радиолокация воситалари ёрдамида йўқ қилинган ёки йўқолган.

📍 Энг кучли зарбалар:

• Львов вилояти

• Запорожье

• Черкасс вилояти (Смела шаҳри)

• Кременчуг ва Николаев

🏚 Смела шаҳрида 3 та 9 қаватли уй, озиқ-овқат технологиялари коллежи вайрон бўлди. 6 киши жароҳат олди, жумладан бола ҳам бор.

🏭 Запорожье ва Полтава вилоятларида ишлаб чиқариш корхоналари шикастланган. Ивано-Франковск вилоятида бир аёл жароҳат билан шифохонага ётқизилган.

✈️ Ҳужумни қайтариш пайтида Украина F-16 самолётига зарба берилди. Учувчи подполковник Максим Устименко ҳалок бўлди. У аҳоли яшаш пунктини қутқариш учун учоқни четга бурган, аммо катапульт қилиб чиқишга улгурмаган.

📸 Ҳужум оқибатларидан фотосуратлар ва расмий маълумотлар маҳаллий ҳокимиятлар томонидан эълон қилинган.