Шимолий Корея Жанубий Корея билан чегара яқинидаги ҳудудга 122 миллиметрли гаубицаларни жойлаштирди

Бу ҳақда Reuters хабар бермоқда.

Шунингдек, ўша ҳудудда стволини Жанубий Корея томон йўналтирган учта зирҳли жанговар машина ҳамда чегара чизиғи бўйлаб тўсиқ ўрнатаётган 20–30 нафар атрофидаги шимолий кореялик аскарлар аниқланган.

Аввалроқ, Жанубий Корея 21-сентябрь куни Демилитаризация қилинган зонада содир бўлган ва уч нафар жанубий кореялик аскарнинг яраланишига олиб келган портлаш учун Шимолий Кореяни айблаган эди. Пхенян эса бу айбловларни рад этиб, БМТ Хавфсизлик Кенгашига норозилик хати йўллаган.