Шерзод Асадов “Euronews” вакили билан учрашди

Шерзод Асадов машҳур “Euronews” медиа холдинги вакили билан учрашув ўтказди. Бу ҳақда Президент матбуот котиби Телеграм каналида маълум қилди.

“"Euronews" медиа холдинги директорлар кенгаши раиси Педро Варгас Давид билан учрашув бўлиб ўтди.

Жаҳон аудиториясини Ўзбекистондаги асосий ислоҳотлар ва унинг халқаро ташаббуслари, юртимизда ўтказилаётган йирик тадбирлар ҳақида хабардор қилиш, ОАВ ва матбуот хизматлари ходимларининг малакасини ошириш масалаларининг кенг доирасини муҳокама қилдик. Ҳамкорликни янада ривожлантириш режалари белгилаб олинди” – дейди Шерзод Асадов.