Маданият вазирлигига санъаткор одамнинг бош бўлгани яхши. Бу ҳақда Ўзбекистон халқ артисти Шерали Жўраев «Дарё» мухбири Мусулмонбек Иброҳимовга берган интервьюсида айтиб ўтди.
Шерали Жўраевнинг таъкидлашича, Ўзбекистон халқ артисти Озодбек Назарбековнинг маданият вазири этиб тайинланиши — маъқул иш.
— Маданият вазири санъаткор бўлгани маъқул. Озодбекнинг вазир бўлгани яхши бўлди. Чунки у санъаткорларнинг қийинчиликларини бошидан ўтказган. Санъаткорларга бошчилик қилиш — оғир.
Ҳар бир санъаткор бир республикага ўхшайди. Уларнинг барини бошқариш оғир, қийин, лекин Озодбек бошқара олади, у кўп нарсани кўрган, ҳаммасини бошидан ўтказган. Озодбекка муваффақият тилайман.
Озодбек Назарбеков 22 январь куни Олий Мажлис Қонунчилик палатаси томонидан Ўзбекистон маданият вазири лавозимига маъқулланган, 24 январь куни эса Президент томонидан тасдиқланган эди. У бунгача маданият вазирининг биринчи ўринбосари эди.
Аввалги маданият вазири Бахтиёр Сайфуллаев Президент томонидан янги шакллантирилган Сенатнинг аъзоси этиб тайинланди — у энди парламент юқори палатасида Ёшлар, маданият ва спорт масалалари қўмитасига раислик қилади.
Украина президенти Россия билан музокараларга тайёр эканини айтди
Эрон ракеталарининг аксарияти Исроилнинг Аrrow мудофаа тизими ёрдамида қўшни давлатлар устида уриб туширилган
Москва Исроилнинг эҳтимолий ҳужумидан ҳимоя қилиш учун Эронга замонавий қирувчи ва ҳаво мудофаа тизимларини топшириши мумкин
