Покистон Бош вазири Шаҳбоз Шариф британиялик ҳамкасби Кир Стармер билан телефон орқали суҳбатлашди, суҳбат давомида улар Эрон ва Қўшма Штатлар ўртасидаги мулоқотни муҳокама қилишди.
Бу ҳақда Покистон Бош вазири ўзининг ижтимоий тармоқ саҳифасида ёзди.
"Мен Кир Стармерга Покистоннинг Эрон ва Қўшма Штатлар ўртасида сулҳга эришиш ва мулоқотни ривожлантириш бўйича самимий дипломатик саъй-ҳаракатларини қўллаб-қувватлагани учун миннатдорчилик билдирдим", деди у ва дунё етакчиларининг тинчлик ташаббусларини қўллаб-қувватлаш бўйича қўшма баёнотини олқишлаганини қўшимча қилди.
"Биз минтақада барқарор тинчлик ва барқарорлик учун шароит яратиш мақсадида сулҳни сақлаш муҳимлиги борасида келишиб олдик.
Шунингдек, биз ўзаро манфаатли барча соҳаларда Покистон-Британия муносабатларини янада мустаҳкамлаш йўлларини муҳокама қилдик", деб хулоса қилди Шаҳбоз Шариф.
Теҳронда Олий раҳбар вафоти муносабати билан катта мотам маросими бўлиб ўтмоқда
Шимолий Корея Эрондан узоқлашишни бошлади — разведка
Эроннинг «иштиҳаси» ортиб бормоқда
