Испаниянинг Сеута шаҳри мэри Хуан Хесус Вивас шаҳарга киришга уринган юзлаб муҳожир ҳалок бўлганини тасдиқлади. У бу ҳақда Европа парламенти сессиясида маълум қилди.
«Ушбу улкан оқим натижасида юзлаб инсонларнинг ўлимига олиб келган тузатиб бўлмас фожиа туфайли чуқур қайғудамиз», — деди Сеута мэри.
5 август куни «Кадена СЕР» радиостанцияси ўз манбаларига таяниб, Сеутага киришга уринишлар вақтида камида 141 нафар муҳожир ҳалок бўлганини хабар қилган. Уларнинг маълумотларига кўра, Испания ҳудудий сувларида 78 нафар, Марокаш сувларида эса яна 63 нафар муҳожирнинг жасади топилган.
Муҳожирлар 30 июль кунидан бошлаб Испаниянинг Сеута анклавига оммавий равишда киришга уринган.
Расмийлар муҳожирлар оқимининг кескин кўпайишини Испания Олий судининг чегарани кесиб ўтишга уринаётганда денгизда ушланган муҳожирларни тезлаштирилган тартибда депортация қилишни тақиқловчи қарори билан боғлаган.
Сеутадаги миграция инқирози Европа давлатлари ўртасида ҳам сиёсий баҳсларни кучайтирди. Италия, Финляндия ва Дания Испанияни Шенген ҳудудидан чиқаришни талаб қилган.
Саудия Арабистони валиаҳд шаҳзодаси Трампни Эронга қарши бошқа ҳужумлар уюштирмасликка чақирди
Марказий Осиёда энг кўп олтин кимнинг қўлида жам бўлган?
Президент таътилдан уйига қайтаётганда автоҳалокатга учради
