Серхио Рамос Европага қайтишга яқин

Мадриднинг «Реал» клуби собиқ ҳимоячиси Серхио Рамос Европа футболига қайтиши мумкин. Бу ҳақда Actu Foot икки нафар журналистга таянади.

Манба маълумотларига кўра, футболчини ўз сафига қўшиб олишдан Франциянинг «Ницца» клуби манфаатдор. Айни пайтда Рамос ва клуб вакиллари ўртасида музокаралар давом этмоқда.

«Ницца» испаниялик марказий ҳимоячи билан шартнома имзолаш имкониятини кўриб чиқмоқда. Рамос эса Европа футболига қайтишни ўз олдига мақсад қилиб қўйган. Қайд этилишича, Франция клуби томонидан қилинган таклиф жиддий тусга эга бўлиб, томонлар ўртасида аниқ муҳокамалар олиб борилмоқда.

39 ёшли Рамоснинг сўнгги клуби Мексиканинг «Монтеррей» жамоаси бўлган. У жорий йил декабрь ойи бошида мазкур клубни тарк этган.