Сербияда юзлаб талабалар намойишга чиқди

Сербияда юзлаб талабалар президент Александр Вучич ва унинг “Сербия Тараққиёт Партияси” сиёсатига қарши намойишга чиқдилар.

Пойтахт Белград шаҳрида бўлиб ўтган намойиш Новий Сад темир йўл вокзалининг томи қулаб тушиши оқибатида 15 киши ҳалок бўлган фожиа билан боғлиқ. Мамлакат бўйлаб бир неча кундан бери намойишлар давом этмоқда.

Талабалар ҳукуматдан вокзал реконструкцияси билан боғлиқ ҳужжатларни эълон қилишни ва айбдорларни жавобгарликка тортишни талаб қилмоқда.