Суриянинг собиқ ички ишлар вазири Муҳаммад ал-Шаар янги ҳукуматга таслим бўлди. ИИВнинг собиқ раҳбари куч тузилмалари билан ўз ихтиёри билан алоқага чиққани ҳақида "Ал-Арабия" хабар бермоқда.
Муҳаммад ал-Шаар 2011 йилдан 2018 йилгача ички ишлар вазири лавозимида ишлаган. Ундан олдин ҳарбий полицияга раҳбарлик қилган. "Al-Arabiya" маълумотларига кўра, собиқ вазир 2008 йилда Седная қамоқхонасидаги исённи бостиришда қатнашган, бу жараёнда очиқ манбаларга кўра 20 дан ортиқ маҳбус ўлдирилган. 2011 йил ўрталаридан бери ал-Шаар Ғарб санкциялари остида қолмоқда. Сурия Ички ишлар вазирлигининг собиқ раҳбари телеканалга вазир сифатида фаолият юритган даврида қонунни бузмаганини таъкидлади.
Бундан олдин Суриянинг собиқ президенти Башар Асаднинг амакиваччаси Атиф Нажиб Сурия ўтиш даври ҳукуматига таслим бўлганди. 2011 йилда Нажиб Суриядаги "Араб баҳори" марказларидан бири бўлган Деръада хавфсизлик хизмати раҳбари лавозимини эгаллаган эди.
Араб давлатлари бирлашди: Европа энди танлов қаршисида!
Россия Су-35’ларни Хитойга сотиб хато қилдими? Хитой Су-35’ларни учиш учун эмас, нусха олиш учун олган!
Россия Хитойдан тинчликпарвар кучларни қабул қилишга рози
