Саудия Арабистонига ракета ва дронлар орқали ҳужум тайёрланаётгани маълум бўлди

Саудия Арабистони қиролликка қарши, тахминларга кўра, Яман ҳусийлари, Ироқдаги эронпараст қуролли тузилмалар ва Ислом инқилоби муҳофизлари корпуси (КСИР) томонидан ҳужумлар тайёрланаётгани ҳақида разведка маълумотларини олди, деб хабар беради «Ал-Арабия» манбасига таяниб.

Манбанинг сўзларига кўра, Эрон томонидан қўллаб-қувватланадиган гуруҳлар ва КСИР Саудия Арабистонига ҳужум қилишга тайёрланаётганини кўрсатувчи «ишончли разведка маълумотлари» мавжуд. Ушбу маълумотлар Яман ҳусийлари, Ироқ жангарилари ва КСИРнинг ҳужумларни тайёрлашда ўз ҳаракатларини ўзаро мувофиқлаштираётганидан далолат беради.

Йиғилган разведка маълумотларининг бир қисми бир вақтнинг ўзида амалга оширилиши мумкин бўлган ҳужумларга тайёргарлик доирасида ракеталар ва дронларнинг кўчирилишини кузатишни ўз ичига олади. Потенциал ҳужумлар фуқаролик ва энергетика объектларини, жумладан, муҳим инфратузилма объектлари, аэропортлар ва портларни нишонга олиши мумкин.

Манбанинг таъкидлашича, Саудия Арабистони ҳар қандай тажовузга жавобан барча зарур чораларни кўришда иккиланиб ўтирмайди.

Кўп ўтмай, Эронпараст «Ансар Аллоҳ» ҳаракати Саудия Арабистони ҳарбий кучларининг эҳтимолий ҳужум олдидан сезиларли даражада тўпланганини аниқлаганини даъво қилиб, Саудия томонидан қўллаб-қувватланадиган Яман кучларига баллистик ракеталар ва дронлар ёрдамида «йирик ҳужум» уюштирганини маълум қилди.