Саудия Арабистони Сурия Араб Республикасининг Жаҳон банки олдидаги қарзларини тўлашни режалаштирмоқда, деб хабар бермоқда Reuters агентлиги вазиятдан хабардор учта манбага таяниб.
Саудия Арабистони Молия вазирлиги вакили бу ҳақда изоҳ беришдан бош тортган бўлса-да, агентлик потенциал қарзнинг қайтарилиши Сурия мухолифати ўтган йили Башар ал-Ассад режимини ағдарганидан кейин Саудия Арабистонининг Сурияга молиявий ёрдам кўрсатиши ҳақидаги биринчи маълум ҳолат бўлиши мумкинлигини таъкидламоқда.
Ўтган ой Қатар фуқаролар уруши вайрон бўлган мамлакатдаги муаммоли электр таъминотини яхшилаш учун Иордания орқали Сурияга газ етказиб бериш режасини эълон қилган эди. Шу билан бирга, Доҳанинг Суриядаги маошларни молиялаштириш бўйича илгари эълон қилинган ташаббуси АҚШ санкциялари бўйича ноаниқлик туфайли тўхтатиб қўйилди.
Суриянинг Жаҳон банкига 15 миллион доллар қарзи бор, уни халқаро молия институти грантлар ва бошқа ёрдам шаклларини маъқуллагунга қадар тўлаш керак.
Дамашқда хорижий валюта етишмайди, хориждаги музлатилган активлар ёрдамида қарзларни тўлаш бўйича олдинги режа амалга оширилмаган. Баас партияси режими ағдарилганига қарамай, АҚШнинг Асад ҳукмронлиги даврида қўйган қаттиқ санкциялари ўз кучида қолмоқда.
Қозоғистон Россия билан урушга тайёргарлик кўрмоқдами ёки бу шунчаки ички чорами?
Абдуқодир Ҳусанов нега майдонга тушмаётганлигига ойдинлик киритилди. Асл муаммо нимада?
Москва марказида кетма-кет портлашлар юз берди
