Бугун АОКАдаги штабида ўтказилган брифингда маданият вазирлиги ахборот хизмати раҳбари Мавлуда Асқархўжаева ижтимоий тармоқларда тез-тез муҳокама қилинаётган мавзу, яъни ўзбек санъаткорларининг карантин даврида аҳолига қай даражада моддий ёрдам кўрсатаётганига тўхталиб ўтди.
«Республикада коронавирус пандемияси тарқалишининг олдини олиш борасида амалга оширилаётган муҳим амалий чора-тадбирларни қўллаб-қувватлаш мақсадида вазирлик ва унинг тасарруфидаги ҳудудий бошқармалар ҳамда республика ташкилотларида меҳнат қилаётган ходимлар, давлат театри актёрлари, санъаткорлар ҳам имкон қадар кўмаклашмоқда. Шу пайтга қадар улар томонидан 7 миллиард 112 миллион сўм маблағ Ўзбекистон «Меҳр-шафқат ва саломатлик» фондига йўналтирилди.
Шунингдек, «Pharm plast holding» МЧЖ билан ҳамкорликда 2 миллиард сўм миқдордаги дори-дармон маҳсулотлари ҳам халқимизга етказиб бериш учун Ўзбекистон «Меҳр-шафқат ва саломатлик» жамоат фондига ёрдам сифатида тақдим этилди», — дейди Мавлуда Асқархўжаева.
Эслатиб ўтамиз, аввалроқ Ўзбекистонлик санъаткорлар коронавирусга қарши курашишга 1,7 миллиард сўм ўтказгани ҳақида хабар берилганди.
Россия Британиянинг “Storm Shadow” ракетасини ҳам, АҚШда ишлаб чиқарилган HIMARS реактив ракетасини ҳам йўқ қилди
Америкалик рус аскарини қандай қилиб тўхтатишни ўйлаб топди
Британияда мактаблар ёпилди
