3 декабрь куни Жиноят ишлари бўйича Самарқанд вилояти Каттақўрғон туман судида вилоят давлат солиқ инспекцияси бошлиғининг биринчи ўринбосари А.Аҳмедовнинг ўлими юзасидан очилган жиноят ишини кўриб чиқиш якунланди
✍️Бу ҳақда Олий суд ахборот хизмати раҳбари хабар қилди.
⚖️Суд қарори билан судланувчилар М.Қўчқоров (Каттақўрғон тумани ИИБ йўл ҳаракати хавфсизлиги бўлими бошлиғи лавозимида ишлаган) ва Ш.Раҳимбердиев (Самарқанд вилояти ИИБ ЙББ 4-бўлими катта инспектори лавозимида ишлаган) Жиноят кодексининг 102-моддаси 1-қисми (эҳтиётсизликдан ўлимга сабаб бўлиш) ва 206-моддаси 1-қисми (ҳокимият ёки мансаб ваколатларини суиистеъмол қилиш) билан айбдор деб топилди.
🔷Судланувчилар 2 йил ички ишлар органларида ишлаш ҳуқуқидан маҳрум қилиниб, уларнинг ҳар бирига 2 йил 10 ой муддатга озодликдан маҳрум қилиш жазоси тайинланди. Тайинланган жазони манзил-колонияларда ўташ белгиланди.
