Saab 37 Viggen — Совуқ уруш давридаги “технологик мўъжиза”: Россияга қарши яратилган швед қирувчиси

Совуқ уруш давридаги Швециянинг кўп мақсадли қирувчи самолёти Saab 37 Viggen Россия билан уруш учун яратилган.

Бу ҳақда 19FortyFive шарҳловчиси Айзек Сейтцнинг мақоласида сўз боради.

Унинг сўзларига кўра, кўпинча етарлича баҳоланмаган Saab 37 Viggen аэрокосмик техникада сезиларли из қолдирган технологик мўъжиза эди.

"У Совуқ уруш даврида, Совет Иттифоқи аниқ хавф туғдирган пайтда яратилган... Viggen ҳеч қачон жангларда қатнашмаган ва экспорт қилинмаган бўлса-да, у ўнлаб йиллар давомида Швецияга самарали хизмат қилди, Европанинг кейинги қирувчи самолётлари ва унинг вориси JAS 39 Gripen конструкцияларига таъсир кўрсатди," - дейилади материалда.

2005 йил ноябрь ойида сўнгги Viggens фойдаланишдан чиқарилди, улар янги Saab JAS 39 Gripen билан алмаштирилди.