Руминиянинг янги сайланган президенти Никушор Дан руминиялик тинчликпарварларни Украинага юборишга қарши чиқди.
"Руминия ҳудудида катта оператив ёрдамни ташкиллаштиришни қўллаб-қувватлаймиз, аммо Украинада тинчликни таъминлайдиган қўшинлар таркибида бўлишни маъқулламаймиз. Менимча, бу Руминия ва Россия ўртасида аллақачон мавжуд бўлган таранглик сабабли унчалик мақбул бўлмайди", — дея фикр билдирди Дан Politico нашрига берган интервюсида.
Шу билан бирга, у тез орада Украинада тинчлик ўрнатилишига шубҳа билдирди.
"Яқин орада тинчлик ўрнатилишига унчалик оптимистик қарай олмайман, лекин Европа давлатлари биргаликда Украинани қўллаб-қувватлашда давом этиш ҳақида қарор қилганидан мамнунман. Украиналикларни улар ўзлари учун энг мақбул шаклдаги тинчликка эришмагунча қўллаб-қувватлашимиз зарур", — дея таъкидлади Руминиянинг янги президенти.
Марказий Осиё халқлари учун Россия энди қизиқ эмас
"Ким Чен Инни суд қилиш вақти келди"
F-35 энди яширина олмайди! Россия ва Хитой радарлари америкалик қирувчиларни аниқлаяпти
