Конго Демократик Республикасидаги ҳарбий тўқнашувлар натижасида руминиялик Хорациу Потра гуруҳига мансуб кўплаб ёлланма жангчилар тутси этник озчилиги манфаатларини ҳимоя қилувчи "23 март ҳаракати" (M23) номли конголик қўзғолончилар гуруҳи томонидан асирга олинди. Уларни ватанига қайтариш жараёни билан БМТнинг минтақага оид миссияларидан бири орқали воситачилар шуғулланди. Руминия Ташқи ишлар вазирлиги ҳам бу жараёнда иштирок этди.
Конгодаги Потра гуруҳига мансуб руминиялик ёлланма жангчилар узоқ вақт "руслар" деб аталган. Оқ танли европалик ҳарбийларни маҳаллий аҳоли Россиянинг Евгений Пригожин томонидан асос солинган ва Африканинг кўплаб давлатларида фаолият юритган "Вагнер" хусусий ҳарбий компанияси аскарлари деб ўйлаган.
1 феврал куни чартер рейси орқали Бухарестга қайтган 288 нафар руминиялик аслида Потра раҳбарлик қилган ёлланма жангчилар гуруҳига мансуб эди. 55 ёшли Хорациу Потра маҳаллий таҳлилчиларнинг таъкидлашича, ташқи кўриниши ва фаолияти билан руминиялик "Пригожин" деб аталган. Руминия хусусий ҳарбий компаниясини бошқаришдан олдин у Африка ва араб давлатларида хорижий легионер, қўриқчи, хавфсизлик хизмати раҳбари ва ҳарбий инструктор сифатида ишлаган.
2024 йилда Руминияда президентлик сайловлари пайтида Потра ўта ўнг сиёсатчи Кэлин Жоржескуга яқин бўлган. Жоржеску биринчи турда ғалаба қозонган. Руминиялик ҳуқуқ-тартибот органларини маълумотларига кўра, Потра Жоржеску билан бирга давлат тўнтаришига тайёргарлик кўрган.
Қодировнинг аҳволи жуда оғир: у ворис қидирмоқда
Ортиқхўжаев янги лавозимда иш бошлагани айтилмоқда
Франция Россия Ғалаба байрамига таклиф қилинмаганидан ғазабланди
