Руминия Конституциявий суди Kэлин Жоржескунинг президентлик сайловларида иштирок этишини қатъий равишда рад этди

Digi24 нашрининг ёзишича, Конституциявий суд судялари қарорни бир овоздан маъқуллаган. Жоржеску уни рўйхатдан ўтказишни рад этган Марказий сайлов комиссиясининг қарорини Конституциявий судда қайта кўриб чиқишни сўраган эди.

Суд ҳукми эълон қилингандан сўнг, Жеоржескунинг тарафдорлари уни сайловларга қўйишни талаб қилиб, норозилик билдира бошладилар.

Кэлин Жоржеску 2024 йил ноябр ойида Руминия президентлик сайловларининг биринчи турида ғалаба қозонган эди. Шундан сўнг Руминия махсус хизматлари Жоржескунинг сайловолди кампаниясига доир махфий ҳужжатларни ошкор қилди. Ушбу ҳужжатларда Руминия Россиянинг “тажовузкор гибрид ҳаракатлари”га нишон бўлгани қайд этилган эди.