Дам олиш кунлари Москва ва Киевда бўлиб ўтган Украина бўйича музокаралар мазмунли бўлди.
Бу ҳақда АҚШ Давлат котиби Марко Рубио Колумбияга ташрифи чоғида маълум қилди.
Бироқ, Давлат котиби музокараларни "самарали ёки самарасиз" деб таърифлашдан бош тортди.
"Иккала томоннинг ҳам жуда қаттиқ қизил чизиқлари бор. Аммо бу дам олиш кунлари Киевда ҳам, Москвада ҳам мазмунли музокаралар бўлди ва умид қиламанки, бунга асосланиб, биз [уч томонлама] музокараларни қайта бошлаш учун йўл очамиз", деди у.
Аввалроқ, АҚШ Президентининг элчиси Стив Уиткофф Киевда Украина раҳбари Владимир Зеленский билан учрашувдан сўнг, АҚШ, Россия ва Украина тез орада уч томонлама музокараларни эълон қилиши мумкинлигини айтган эди.
Рубио шунингдек, АҚШ томони келгуси ҳафталарда музокараларни қайта бошлаш ва иккала томон учун ҳам мақбул бўлган келишувга эришиш учун йўл харитасини ишлаб чиқишни кутаётганини таъкидлади.
"Ҳали қилинадиган ишлар кўп", дея хулоса қилди Давлат департаменти раҳбари.
Шаҳноза Мирзиёева Мусулмон Юнусовнинг мурожаатига муносабат билдирди
Дунё харитаси 500 йил ичида илк бор янгиланди
💴 Адлия вазирлиги Ўзбекистондаги пенсия ва нафақалар миқдорини эслатди
