АҚШ давлат котиби Марко Рубио Давлат департаментининг юқори лавозимли ходимларидан ўз ваколатлари доирасида ишлашни талаб қилиб, ахлоқ қоидаларини бузган амалдорлар ишдан бўшатилиши ҳақида огоҳлантирди.
Reuters агентлигининг тўртта манбага таяниб хабар беришича, Рубио ўтган ҳафтаги йиғилишда раҳбарият билан келишилмаган қарорларни танқид қилган. У муҳим ташаббуслар давлат котиби ёки унинг ўринбосари Кристофер Ландау томонидан тасдиқланиши шартлигини таъкидлаган.
Йиғилиш АҚШнинг Грециядаги элчиси Кимберли Гилфойл истеъфосидан кейин ўтказилган. ОАВ уни Дональд Трамп маъмурияти амалдорлари билан пул эвазига алоқа ўрнатиб беришда айблаган, бироқ Гилфойл бу даъволарни рад этган.
Кейинчалик Давлат департаментининг сиёсий режалаштириш бўлими раҳбари Жереми Льюин ҳам лавозимини тарк этди. Манбалар буни унинг келишилмаган ҳаракатлари билан боғламоқда. Льюин эса ўз хоҳиши билан кетганини ва қарори йиғилишга алоқадор эмаслигини билдирди.
АҚШ Давлат департаменти Reuters'нинг мазкур йиғилиш ҳақидаги сўровига изоҳ беришдан бош тортди.
"Майли мени ўлдиришсин. Лекин... "
Кремл Тўқаевнинг Россия Туркий давлатлар ташкилотида иштирок этиши кераклиги ҳақидаги ғоясини қўллаб-қувватлади
Австралиялик балиқчи тасодифан 600 минг евродан қимматроқ балиқ тутиб олди
