Россиянинг тунги ҳужуми оқибатида Киевда 20 га яқин киши жароҳатланди

Россия бўлинмаларининг Украина пойтахти Киевга тунда уюштирган ҳужуми оқибатида камида 19 киши яраланди.

Бу ҳақда шаҳар мэри Виталий Кличко ўзининг Телеграм-каналида маълум қилди.

Унга кўра, жабрланганларнинг беш нафарига амбулатор ёрдам кўрсатилмоқда.

"Душманнинг Киевга тунги ҳужуми натижасида пойтахтнинг 19 нафар фуқароси яраланди. Беш кишига амбулатор ёрдам кўрсатилмоқда, 14 нафари касалхонага ётқизилди", деб ёзади Кличко.

Ҳужум натижасида темир йўл инфратузилмаси ҳам зарар кўрган, айрим ҳудудларда қулаган ракета қолдиқлари ёнғинга сабаб бўлган.