Россиянинг Киевга уюштирган тунги ҳужуми оқибатида Полша элчихонаси ва Европа Иттифоқи ваколатхонаси зарар кўрди — DW

Полша Ташқи ишлар вазирлигининг маълум қилишича, Россия томонидан отилган ракета снаряди мамлакатнинг Киевдаги элчихонаси томига тушган.

"Снаряд консуллик бўлимининг шифтини тешиб ўтган ва ошхона ҳудудига тушган. Ҳеч ким жабрланмаган. Ҳодимларимизнинг барчаси соғ-саломат ва элчихона ишини одатдагидек давом эттиради", — деди Полша Ташқи ишлар вазирлиги вакили Павел Вронский.

Украина пойтахтига уюштирилган кенг кўламли тунги ҳужум натижасида Европа Иттифоқи ваколатхонаси ҳудуди ҳам зарар кўрди. Евроиттифоқнинг Украинадаги элчиси Катарина Матернованинг сўзларига кўра, ваколатхона автотураргоҳидаги автомобиллар шикастланган, бироқ ҳеч ким жабрланмаган.