Россиялик Олимпиада совриндори допинг туфайли дисквалификацияга дучор бўлди

Бокс бўйича Олимпиада бронза медали совриндори, россиялик Имам Хатаев 2024 йил 9 апрель куни топширган допинг тестида тақиқланган кломифен ва унинг метаболитлари аниқланди.

Бу ҳақда Халқаро допинг-тестлар агентлиги (ITA) сайтида хабар берилди.

Протоколга кўра, энди унинг 2024 йил 9 апрелдан 2025 йил 26 июнгача бўлган даврдаги барча натижалари бекор қилинади.

Хатаев навбатдаги профессионал жангини 12 июль куни Нью-Йоркда (АҚШ) ярим оғир вазн тоифасида WBA Regular собиқ чемпиони Девид Морреллга қарши ўтказиши эди. Ушбу жангнинг бекор қилиниши ҳақида ҳозирча расмий маълумот йўқ.