Россиянинг Оренбург вилоятининг Ясний шаҳрида Россия стратегик ракета кучлари базаси яқинида портлаш содир бўлди.
Бу ҳақда маҳаллий ОАВлар хабар бермоқда.
Ихтисослашган манбаларга кўра, ракета бир неча соат олдин Стратегик ракета кучлари полигонидан учирилган, бироқ муваффақиятсиз бўлган. Минтақавий "Урал56" нашри маҳаллий аҳолига таяниб, портлашдан кейин осмонга бинафша рангли тутун кўтарилганини хабар қилди.
Оммавий ахборот воситаларининг ёзишича, ҳодисага ракета училмагани сабаб бўлган, гўёки ҳавода парчаланиб кетган.
Расмийлар ҳодисага расман изоҳ бермади; вилоят ҳукумати аҳолига ҳеч қандай хавф йўқлигини ва эвакуация режалаштирилмаганини маълум қилди, дея хабар беради “Урал56”.
Ўзбекистон бўйлаб совуқ антициклон ва инверсия узоқроқ давом этади
Каспий денгизи иккига ажралиши мумкин
Тошкент вилояти ва Тошкент шаҳрида "ерфурушлар" қўлга тушди
