Россиядаги жанглардан қайтган КХДР аскарлари шарафланди (Видео)

КХДР Россиядаги жанглардан қайтган аскарлар учун катта маросим ўтказди. Расмий маълумотларга кўра, улардан тўққиз нафари ҳалок бўлган.

Жума куни KRT давлат телеканали КХДР етакчиси Ким Чен Ин ҳарбий хизматчиларни қучоқлаб, жангда ҳалок бўлган тўққиз кишининг портрети олдига оқ гул қўяётгани акс этган кадрларни намойиш этди.

Тадбир Шимолий Корея пойтахти Пхенян маркази яқинидаги 25 апрель куни Маданият уйи деб номланган улкан бинода бўлиб ўтди.

Бинонинг номи КХДР расмий тарихида мамлакатнинг биринчи етакчиси Ким Ир Сен Япониянинг Кореяни босиб олишига қарши курашиш учун кўнгиллилар гуруҳини тузган кун деб аталадиган санага ишора қилади.