Россияда WhatsApp бутунлай тақиқланиши мумкин

Россиянинг Алоқа, ахборот технологиялари ва оммавий ахборот воситаларини назорат қилиш федерал хизмати WhatsApp мессенжерига нисбатан чеклов чораларини қўллашда давом этмоқда.

Бу ҳақда агентлик матбуот хизмати маълум қилди.

Бунга сабаб сифатида платформанинг Россияда жиноятчиликнинг олдини олишга қаратилган талабларга риоя қилмаётгани кўрсатилган.

"Чекловлар босқичма-босқич жорий этилмоқда, бу фойдаланувчиларга бошқа мессенжерларга ўтиш имконини беради... Агар мессенжер Россия қонунчилигига риоя қилмаса, у бутунлай блокланади", — дея огоҳлантирди Роскомнадзор.