Россия Давлат Думасининг ахборот сиёсати бўйича қўмитаси Telegram ва WhatsApp мессенжерларида рўйхатдан ўтиш учун SMS ва қўнғироқларни блоклаш ташаббусини маъқуллади.
Қўмита раиси ўринбосари Александр Ющенко бу қарорни “тўғри ва замон талабига мос” деб атаб, Россиянинг миллий мессенжери — Max платформасини ривожлантиришни мақсад қилиб кўрсатди.
“Бу чеклов фойдаланувчиларга жиддий таъсир қилмайди. Ким Telegram ёки WhatsApp’дан фойдаланмоқчи бўлса, аллақачон рўйхатдан ўтган. Қолганлар эса Max’га ўтади — бу табиий жараён”, — деди Ющенко.
У, шунингдек, чекловни қонун даражасида мустаҳкамлаш “мантиқан тўғри” бўлишини таъкидлади. Мақсад — хорижий мессенжерлар фаолиятини чеклаш ва миллий рақамли инфратузилмага устуворлик бериш.
Қўмита аъзоси Олег Матвейчев ҳам ташаббусни қўллаб-қувватлади. Унинг фикрича, WhatsApp Россия қонунларига бўйсунмаяпти, шу боис унинг фаолиятини чеклаш зарур.
Матвейчев мессенжер фаолиятини “қонунбузар мигрант”га қиёслаб, “бундай ҳолатда депортация зарур”, дея таъкидлаган.
Ташаббус ҳозирча қонуний кучга кирмаган, аммо экспертлар фикрича, бу Россияда маҳаллий рақамли хизматларга ўтиш жараёнини тезлаштириши мумкин.
Муҳожирлар орасида биринчи: Украинага қарши урушда Россия армияси сафида жанг қилаётган ўзбеклар сони маълум бўлди
Ядровий “Буревестник” ракетасининг синовлари АҚШни Россия шартларини қабул қилиш ва Москва билан музокаралар столига ўтиришга мажбур қилишга қаратилган
Россиянинг Ил-76 ҳарбий транспорт самолёти нега Каракасга йўл олди?
