Россия Иқтисодий ривожланиш вазирлигининг хабар беришича, йилнинг биринчи ярмида мамлакатда электромобиллар сони ўтган йилнинг шу даврига нисбатан 27 фоизга ошиб, 52 минг донани ташкил қилган.
Вазирлик томонидан берилган ёзма баёнотда, электр транспорт воситаларини оммалаштириш учун мамлакат бўйлаб турли лойиҳалар амалга оширилаётганлиги қайд этилди.
Ҳисоботда тез зарядлаш станцияларини кенгайтириш чоралари кўрилгани, электромобил харид қилиш учун махсус солиқ имтиёзлари берилгани қайд этилган.
Ҳужжатга кўра, 2024 йилнинг биринчи олти ойида Россияда рўйхатга олинган электромобиллар сони ўтган йилнинг шу даврига нисбатан 27 фоизга ошиб, 52 мингтага етган.
Нефть ва нефть маҳсулотлари ишлаб чиқариш бўйича дунёда биринчи ўринда турадиган Россияда электр транспорт воситаларига талаб ортиб бормоқда. Мамлакатда Россия ва Хитой брендларининг электромобиллари кенг тарқалган бўлсада, Tesla каби компанияларнинг автомобиллари сони ҳам ортиб бормоқда.
