Россияда аллақачон 11 минг нафар КХДР аскари бор

Россияда аллақачон 11 минг нафар КХДР аскари бор. Бу ҳақда Жанубий Корея Миллий хавфсизлик кенгаши хабар берди.

Корея Миллий хавфсизлик кенгашнинг ёпиқ брифингида билдирилган асосий маълумотлар:

◾️ Россиядаги 11 минг шимолий кореялик аскарнинг бир қисми мамлакатнинг ғарбий қисмига кўчирилди ва машғулотлардан ўтмоқда;

◾️ Шимолий Корея қўшинларининг бир қисми Курск вилоятига, бошқа бир қисми эса Донбассга юборилиши мумкин. Сеул КХДР аскарлари ҳарбий ҳаракатларда қатнашганини ҳозирча тасдиқлай олмайди;

◾️ Шимолий Корея аскарлари келиб чиқишини яшириш учун рус ҳарбийлари кийимида ва рус қуроллари билан қуролланган. Уларни бурятлар деб эълон қилиши режалаштирилган;

◾️ Россиядаги КХДР ҳарбий контингенти орасида генераллар ва юқори мартабали зобитлар ҳам бор. Аммо уларнинг аксарияти пиёда аскарлардир;

◾️ Жанубий Корея расмийлари КХДР аскарларининг Россияда пайдо бўлишига қандай муносабатда бўлишни ҳозирча ҳал қилмаган.

◾️ Агар Сеул Киевга қурол етказиб беришга қарор қилса, бу мудофаа қуролларидан бошланади.

Экспертларнинг фикрича, Украина аллақачон Жанубий Корея қуролларини олмоқда, бироқ бевосита эмас, балки учинчи давлатлар, масалан, АҚШ орқали.