Россия ва Украина 20 апрелгача тинчлик шартномасини имзолаши мумкин

Россия ва Украина ўртасида тинчлик 2025 йил 20 апрелгача эришилиши мумкин.

Бу ҳақда Британиянинг Sky news телеканали хабар берди.

"АҚШ бу масалани Пасха байрами олдидан ҳал қилмоқчи, шунинг учун Украина томони бундай ҳужжатни имзолашга рози бўлади, бунинг барчаси Путин ва Зеленскийнинг ҳудудий йўқотишларни қандай қабул қилишига боғлиқ" - деди манбалар.

Эслатиб ўтамиз, Россия ва Украина ўртасидаги кенг кўламли уруш 2022 йилнинг 24 февралида бошланган. Аввалроқ Украина президенти Владимир Зеленский уруш 2025 йилда тугашига умид қилишини айтган эди.