Россия ва Ҳиндистон ҳамкорликда ҳарбий-денгиз машқларини ўтказади

Россия-Ҳиндистон Indra Navy-2025 машқларининг денгиз қисми душанба куни Бенгал кўрфази сувларида бошланади.

Бу ҳақда Россия Мудофаа вазирлиги матбуот хизмати хабар берди.

"Бенгал кўрфази сувларида ўтказиладиган машғулотларнинг денгиз қисми 31 мартдан бошланади", — дейилади хабарда.

Қайд этилишича, машғулотларнинг биринчи қисми конференция форматида қирғоқда бўлиб ўтади. "Кема қўмондонлари ўзаро ҳамкорлик масалалари ва денгизда қўшма ҳаракатлар тартибини муҳокама қилади. Икки мамлакат денгизчилари кемаларга ўзаро ташрифлар ва спорт тадбирларини ўтказадилар", - дейилади хабарда.

28 март куни Ченнай портида Ҳиндистон ҳарбий-денгиз кучларининг Рана эсминеци бортида Россия-Ҳиндистон ҳарбий-денгиз машқларининг очилиш маросими бўлиб ўтди, деб хабар берди департамент.