Россия Жанубий Корея муносабатларни тўлиқ тўхтатмоқчи эмаслигига ишончи комил ва Россия бозорига қайтиш имкониятини сақлаб қолишга умид қилмоқда, деди РИА Новости агентлигига Россия ТИВнинг Осиё бўйича биринчи департаменти директори Иван Желоховцев.
Жанубий Корея Россиянинг Украинага кенг кўламли бостириб кириши бошланганидан кейин Ғарб санкцияларига қўшилди. Желоҳовцевнинг тан олишича, муносабатлар «ҳозирда оғир кунларни бошдан кечирмоқда, гарчи улар бир неча йил олдин улар энг конструктив тарзда, айниқса иқтисодий соҳада ривожланаётган эди».
Унинг сўзларига кўра, Россия Жанубий Корея билан алоқаларни давом эттирмоқда, Сеулда эса Россия бозорига қайтиш ҳуқуқини сақлаб қолиш истаги ҳақида гап кетмоқда. Москва бу ёндашувни олқишлайди, лекин санкциялар билан боғлиқ ҳамма нарсада аниқ қадамларни кутмоқда, айниқса Корея ҳукумати февраль ойида янги санкциялар пакетини жорий этишни режалаштираётганини ҳисобга олиб.