Россия терма жамоаларига нисбатан муносабат юмшамоқда

УЕФА Ижроия қўмитасининг сўнгги йиғилишида 2022 йилда расмий халқаро мусобақалардан четлаштирилган Россия жамоалари масаласи муҳокама қилинди.

Спорт 24 хабарига кўра, Скандинавия давлатларининг Россия масаласидаги позицияси кутилмаганда юмшаб кетган.

Масалан, Швеция, Финляндия ва Норвегия Россия ёшлари ва аёллар терма жамоаларини турнирларга қайтаришга рози.

Шунингдек, Португалия, Испания, Италия, Швейцария, Словения, Словакия ва Чехия Россия жамоаларини қайтариш имкониятини муҳокама қилишга тайёр.

Яна еттита давлат Россиянинг Европа футболига тўлиқ қайтиши тарафдори: Болгария, Сербия, Босния ва Герцеговина, Греция, Венгрия, Қозоғистон ва Озарбайжон.