Россия Ташқи ишлар вазирлиги Украина билан музокараларга тайёрлигини маълум қилди

Россия Украина билан музокаралар жараёнини давом эттиришга тайёр ва унинг ишчи гуруҳлар тузиш таклифига жавоб кутмоқда.

Бу ҳақда Россия ТИВ расмий вакили Мария Захарова Владивостокдаги Шарқий иқтисодий форумда "РИА Новости" агентлигига берган интервьюсида айтиб ўтди.

"Сиёсий, ҳарбий ва гуманитар масалалар бўйича учта ишчи гуруҳ тузиш ҳақидаги Россия таклифига Украина томонининг жавобини кутмоқдамиз. Биз Украина билан музокара жараёнини давом эттиришга тайёрмиз", — деди Захарова.