Россия суди Курск вилоятида асирга олинган 184 нафар украиналикка “терроризм” айблови билан ҳукм чиқарди

Нашрнинг хабар беришича, украиналик ҳарбий асирлар устидан ҳукм Россиянинг 2-Ғарбий округ ҳарбий судида 2024 йил декабридан 2025 йил июнигача бўлган давр оралиғида эълон қилинган. Бунда Курск вилоятида асирга олинган украиналикларга қарши ишлар Россия судларидаги бошқа “терроризм”га алоқадор ишлар билан таққосланганда фарқ қилади, бунда барча айбланувчиларга битта айблов қўйилган - “оғир оқибатларга олиб келган ҳолда бир гуруҳ шахслар томонидан террорчилик ҳаракати содир этиш”.

Эслатиб ўтамиз, Украина Қуролли кучлари 2024 йил 6 август куни Курск вилоятида кенг кўламли ҳарбий операцияни бошлаганди.