Россиянинг Utair авиакомпаниясининг Ан-26 йўловчи самолёти Ямало-Ненец туманидаги учиш-қўниш йўлаги яқинида қулаб тушди. Қаттиқ қўниш натижасида кеманинг корпуси иккига бўлиниб кетди, деб хабар бермоқда Россиянинг «Интерфакс» агентлиги.
Россия матбуоти дастлаб Сабетта аэропортидан ҳавога кўтарилиб, Утренний аэропортига йўл олган самолёт ҳаво ҳаракатини бошқариш радарларидан ғойиб бўлганини хабар қилди.
Самолёт бортида 5 кишидан иборат экипаж ва 36 йўловчи бўлган.
Икки экипаж аъзоси ва бир йўловчи жароҳатлангани айтилмоқда. Утаирнинг айтишича, фавқулодда қўнишга об-ҳавонинг кескин ёмонлашуви сабаб бўлган.
💬 «Барча 36 йўловчи ва 5 экипаж аъзоси аэропорт терминали биносига эвакуация қилинди. Йўловчи ва экипажнинг икки аъзоси жароҳат олган ва уларга тиббий ёрдам кўрсатилган», — дейилади авиакомпания хабарида.
