Иштирокчилар орасида "Роснефт" билан алоқадор бўлган озарбoйжонлик бизнесмен, шунингдек, санкциялар рўйхатидаги шахслар билан боғлиқ компаниялар ҳам бор.
Financial Times газетаси суриштирув ўтказиб, 90 миллиард доллар миқдордаги санкцияларни четлаб ўтган ҳолда Россия нефтини ташишга алоқадор 48 та компаниядан иборат тармоқни аниқлади. Реал экспорт ҳажми бундан ҳам катта бўлиши мумкин.
Ушбу тармоқ компанияларнинг барчаси битта хусусий почта серверидан фойдалангани ортидан маълум бўлган.
Суриштирув натижасида 442 та веб-домен аниқланган, уларнинг регистрация маълумотларига кўра, барчаси ўз электрон почтаси учун mx.phoenixtrading.ltd серверидан фойдаланган.
Нашрнинг қайд қилишича, компаниялардан баъзилари Россияда нефт сотиб олиш билан шуғулланади, бошқалари эса Ҳиндистон ва Хитойга сотади. 2024 йил ноябр ойида "Роснефт" денгиз экспортининг 80 фоздан ортиғи ушбу сохта компаниялар орқали амалга оширилган.
Суриштирувда кўпчилик сохта компаниялар фақат ярим йил фаол бўлгани, шунинг учун уларни кузатиш қийинлиги келтирилган.
Ҳозирги энг йирик Россия нефт экспортчиси — Бирлашган Қироллик санкциясига тушган Redwood Global Supply компанияси бўлиб, у ҳам умумий почта сервери фойдаланувчилари орасида аниқланган.
Маълумотлар янги санкциялар жорий этишда ишлатилиши мумкинлиги айтилмоқда.
Исроил Ҳиндистонда жуда машҳур, буни биласизми? - Нетаняху
Доллар турбулентлик босқичига кирмоқда
Зеленский АҚШ шартларига кўнмаса, унга нисбатан айблов эълон қилиниши мумкин
