Россия нефтига қарши санкциялар АҚШда ёқилғи нархининг ошишига сабаб бўлди

"Роснефть" ва "Лукойл" компаниялари фаолиятига таъсир қилувчи АҚШ чекловлари АҚШда дизель ёқилғисининг ўртача нархининг ошишига олиб келди.

Бу ҳақда Bloomberg агентлиги маълум қилди.

Агентлик CIBC Private Wealth Group энергетика бўйича катта трейдери Ребекка Бабиннинг сўзларидан иқтибос келтирган ҳолда, "Тозалаш маржаларининг ҳозирги ўсиши, ҳеч бўлмаганда, қисман АҚШнинг “Роснефть” ва “Лукойл”га қарши бўлажак санкциялари билан боғлиқ ноаниқлик, шунингдек, Европа Иттифоқининг январь ойида Россия маҳсулотларига қўйган чекловлари билан боғлиқ.

Bloomberg маълумотларига кўра, АҚШ, Европа ва Осиёдаги маржалар камида 2018 йилдан бери энг юқори даражага етди. Нашрнинг таъкидлашича, ушбу экспортдаги ҳар қандай жиддий узилишлар жаҳон ёқилғи бозори учун зарба бўлиши мумкин.

Аввалроқ АҚШ Молия вазирлиги Вашингтон жорий этган санкцияларга қарамай, “Лукойл”га хорижий активлари билан боғлиқ айрим операцияларни амалга ошириш имконини берувчи лицензияларни 21 ноябрдан 13 декабргача узайтирган эди.